mujh pe wo kuchh is qadar chhata raha

mujh pe vo kuchh is qadar chhātā rahā

apne miT jaane kā ġham jaatā rahā

guftugū shab-bhar rahī hai chāñd se

rāt-bhar mujh ko vo yaad aatā rahā

dil ke kahne meñ sadā bhaTkā kiye

koī jugnū raah dikhlātā rahā

'ishq meñ vo aaj ḳhud barbād hai

'umr-bhar jo mujh ko samjhātā rahā

dil kī tanhā.ī sivā hotī rahī

jis qadar vo nāchtā gaatā rahā

merī zulfoñ meñ vo uljhā is qadar

vasl kī shab un ko suljhātā rahā

barf kā TukḌā nahīñ thā sang thā

koī nādāñ us ko pighlātā rahā

mujh pe wo kuchh is qadar chhata raha

apne miT jaane ka gham jata raha

guftugu shab-bhar rahi hai chand se

raat-bhar mujh ko wo yaad aata raha

dil ke kahne mein sada bhaTka kiye

koi jugnu rah dikhlata raha

'ishq mein wo aaj KHud barbaad hai

'umr-bhar jo mujh ko samjhata raha

dil ki tanhai siwa hoti rahi

jis qadar wo nachta gata raha

meri zulfon mein wo uljha is qadar

wasl ki shab un ko suljhata raha

barf ka TukDa nahin tha sang tha

koi nadan us ko pighlata raha