mujh sa kab shahr-gard tha pahle

mujh sā kab shahr-gard thā pahle

jo thā sahrā-navard thā pahle

itnī hangāma-ḳhez kab thī hayāt

itnā tanhā na fard thā pahle

barf-bārī to hotī rahtī hai

sard huuñ maiñ na sard thā pahle

is qadar to na phuul ai sarsoñ

sabz mausam bhī zard thā pahle

jis ko dekhā vo kah rahā thā ġhazal

mo'atabar kab ye dard thā pahle

mujh sa kab shahr-gard tha pahle

jo tha sahra-naward tha pahle

itni hangama-KHez kab thi hayat

itna tanha na fard tha pahle

barf-bari to hoti rahti hai

sard hun main na sard tha pahle

is qadar to na phul ai sarson

sabz mausam bhi zard tha pahle

jis ko dekha wo kah raha tha ghazal

mo'atabar kab ye dard tha pahle