mujh sath sair-e-bagh kun ai nau-bahaar chal

mujh saath sair-e-bāġh kuuñ ai nau-bahār chal

bulbul hai intizār meñ ai gul-izār chal

karne kuuñ qatl āshiq-e-jāñ-bāz ke sanam

le teġh-e-nāz haath kamar rakh kaTār chal

karne nazāra baaġh kā niklā hai gul-badan

barjā hai har chaman suuñ gar aave bahār chal

us gul-badan suuñ zauq ham-āġhosh hai agar

ho chaak siina gul ke naman ban ke haar chal

us sham.a-rū ke vasl kā gar tujh kuuñ shauq hai

mahfil meñ āshiqāñ kī ho parvāna-vār chal

āḳhir asīr-e-umr kā hai is jahāñ suuñ kuuch

is vāste hai dam kī jaras meñ pukār chal

gar azm hai buzurgī is aalam meñ hue husūl

a.amāl-nāma jag meñ apas kā sañvār chal

gar yaar ke hai vasl kī ne.amat kī ishtihā

har shai suuñ rah uu paas vahāñ lag nahār chal

avval ḳhudī ke ghar kuuñ ai 'dā.ūd' toḌ saT

mai-ḳhāna-e-visāl meñ tab sidh-bisār chal

mujh sath sair-e-bagh kun ai nau-bahaar chal

bulbul hai intizar mein ai gul-izar chal

karne kun qatl aashiq-e-jaan-baz ke sanam

le tegh-e-naz hath kamar rakh kaTar chal

karne nazara bagh ka nikla hai gul-badan

barja hai har chaman sun gar aawe bahaar chal

us gul-badan sun zauq ham-aghosh hai agar

ho chaak sina gul ke naman ban ke haar chal

us shama-ru ke wasl ka gar tujh kun shauq hai

mahfil mein aashiqan ki ho parwana-war chal

aaKHir asir-e-umr ka hai is jahan sun kuch

is waste hai dam ki jaras mein pukar chal

gar azm hai buzurgi is aalam mein hue husul

aamal-nama jag mein apas ka sanwar chal

gar yar ke hai wasl ki neamat ki ishtiha

har shai sun rah u pas wahan lag nahaar chal

awwal KHudi ke ghar kun ai 'daud' toD saT

mai-KHana-e-visal mein tab sidh-bisar chal