mujhse afsurda na ai josh-e-bahaaran hona

mujh se afsurda na ai josh-e-bahārāñ honā

kaif meñ bhuul gayā chāk-garebāñ honā

jab bikhar jaatī hai zulf aur nikhar jaatī hai

mujh ko jam.īyat-e-ḳhātir hai pareshāñ honā

zarra zarra hai tajallī se laḌā.e hue aañkh

kis qayāmat kī numā.ish hai ye pinhāñ honā

duur haiñ tujh se abhī nuur ke zarre har-sū

ai mirī ḳhaak zarā aur pareshāñ honā

hasrat-e-dīd ne ā.īna banāyā dil ko

ain nazzāra hai nazzāre kā armāñ honā

husn har shai ko diyā ishq milā har dil ko

taaki āsān ho insān kā insāñ honā

ḳhuub hotā hai numāyāñ suḳhan-e-'nātiq' se

misl-e-ma.anī tirā har lafz meñ pinhāñ honā

mujh se afsurda na ai josh-e-bahaaran hona

kaif mein bhul gaya chaak-gareban hona

jab bikhar jati hai zulf aur nikhar jati hai

mujh ko jamiyat-e-KHatir hai pareshan hona

zarra zarra hai tajalli se laDae hue aankh

kis qayamat ki numaish hai ye pinhan hona

dur hain tujh se abhi nur ke zarre har-su

ai meri KHak zara aur pareshan hona

hasrat-e-did ne aaina banaya dil ko

ain nazzara hai nazzare ka arman hona

husn har shai ko diya ishq mila har dil ko

taki aasan ho insan ka insan hona

KHub hota hai numayan suKHan-e-'natiq' se

misl-e-mani tera har lafz mein pinhan hona