mujhse diwane ki kya koi mohabbat samjhe

mujh se dīvāne kī kyā koī mohabbat samjhe

dekhnā yaar kā chehra jo ibādat samjhe

mujh meñ ab aur sakat baaqī nahīñ baTne kī

maiñ mayassar huuñ jise jitnā ġhanīmat samjhe

vo to yuuñ ham ne jahāñ chhoḌ diyā tere baa'd

ham tire baa'd yahāñ jiinā aziyyat samjhe

tum ne kyā kyā na kiyā ḳhauf se aarī ho kar

ham hī pāgal the jo duniyā ko adālat samjhe

saarī mushkil meñ guzārī to suhūlat samjhe

tum suhūlat se suhūlat ko suhūlat samjhe

jo uḌānoñ kī thakan dekh ke aaya hī nahīñ

vo parinda bhī bhalā ḳhaak masāfat samjhe

ham ne inkār meñ iqrār ke pahlū DhūñDe

chhup ke milne ko bhī qudrat kī ijāzat samjhe

mujh se diwane ki kya koi mohabbat samjhe

dekhna yar ka chehra jo ibaadat samjhe

mujh mein ab aur sakat baqi nahin baTne ki

main mayassar hun jise jitna ghanimat samjhe

wo to yun hum ne jahan chhoD diya tere ba'd

hum tere ba'd yahan jina aziyyat samjhe

tum ne kya kya na kiya KHauf se aari ho kar

hum hi pagal the jo duniya ko adalat samjhe

sari mushkil mein guzari to suhulat samjhe

tum suhulat se suhulat ko suhulat samjhe

jo uDanon ki thakan dekh ke aaya hi nahin

wo parinda bhi bhala KHak masafat samjhe

hum ne inkar mein iqrar ke pahlu DhunDe

chhup ke milne ko bhi qudrat ki ijazat samjhe