mujhse milne mere KHeme mein chali aati hai gard

mujh se milne mere ḳheme meñ chalī aatī hai gard

dasht-e-vahshat meñ faqat merī mulāqātī hai gard

dasht meñ basnā mujhe is vāste raas aa gayā

gard se mil kar mirī hastī bhī ban jaatī hai gard

rā.egānī kā satātā hai mujhe ehsās jab

zindagī kā sochtī huuñ yaad aa jaatī hai gard

phir koī vahshat ghumā.e dā.era-dar-dā.era

gher kar jab bhī mujhe sahrā meñ le jaatī hai gard

aa.ina yādoñ kā ab khone lagā hai āb-o-tāb

kuchh to khaa.e zang us ko aur kuchh khātī hai gard

dūrī-e-manzil ho kam jab ḳhār-o-ḳhas uThne lageñ

kārvāñ ke kuuch kā unvān ban jaatī hai gard

jo akaḌ kar chal rahā hai ek fir.auñ kī tarah

aise insāñ ko ishāra ik mukāfātī hai gard

saarā din ham saat bhaTkeñ shaam ko thak haar kar

saath mere hiir vāris-shāh kī gaatī hai gard

bas isī ḳhātir 'tabassum' mujh ko ye bhātī nahīñ

aap kī tasvīr par rozāna paḌ jaatī hai gard

mujh se milne mere KHeme mein chali aati hai gard

dasht-e-wahshat mein faqat meri mulaqati hai gard

dasht mein basna mujhe is waste ras aa gaya

gard se mil kar meri hasti bhi ban jati hai gard

raegani ka satata hai mujhe ehsas jab

zindagi ka sochti hun yaad aa jati hai gard

phir koi wahshat ghumae daera-dar-daera

gher kar jab bhi mujhe sahra mein le jati hai gard

aaina yaadon ka ab khone laga hai aab-o-tab

kuchh to khae zang us ko aur kuchh khati hai gard

duri-e-manzil ho kam jab KHar-o-KHas uThne lagen

karwan ke kuch ka unwan ban jati hai gard

jo akaD kar chal raha hai ek firaun ki tarah

aise insan ko ishaara ek mukafati hai gard

sara din hum sat bhaTken sham ko thak haar kar

sath mere hir waris-shah ki gati hai gard

bas isi KHatir 'tabassum' mujh ko ye bhati nahin

aap ki taswir par rozana paD jati hai gard