mujhse to ab ye nazara nahin dekha jata

mujh se to ab ye nazārā nahīñ dekhā jaatā

koī utrā huā chehra nahīñ dekhā jaatā

un kī āñkhoñ ke rulā dete haiñ aañsū mujh ko

zulm insān pe hotā nahīñ dekhā jaatā

phuul afsurda haiñ aur sahmī huī kaliyāñ haiñ

aisā aalam to chaman kā nahīñ dekhā jaatā

band nafrat kī siyāsat ko karo ahl-e-vatan

ham se ab to ye tamāshā nahīñ dekhā jaatā

kaun aatā hai bhalā baat hamārī sunñe

dukh kisī se bhī hamārā nahīñ dekhā jaatā

ḳhud hī jab manzil-e- maqsad kā safar karnā ho

phir kisī kā bhī sahārā nahīñ dekhā jaatā

ḳhūn-e-mazlūm se aḳhbār hoī surḳh 'qamar'

ḳhūn-ālūda saverā nahīñ dekhā jaatā

mujh se to ab ye nazara nahin dekha jata

koi utra hua chehra nahin dekha jata

un ki aankhon ke rula dete hain aansu mujh ko

zulm insan pe hota nahin dekha jata

phul afsurda hain aur sahmi hui kaliyan hain

aisa aalam to chaman ka nahin dekha jata

band nafrat ki siyasat ko karo ahl-e-watan

hum se ab to ye tamasha nahin dekha jata

kaun aata hai bhala baat hamari sunne

dukh kisi se bhi hamara nahin dekha jata

KHud hi jab manzil-e- maqsad ka safar karna ho

phir kisi ka bhi sahaara nahin dekha jata

KHun-e-mazlum se aKHbar hoi surKH 'qamar'

KHun-aluda sawera nahin dekha jata