مجھ تک رسائی پائے کہاں مہر و ماہتاب

مجھ تک رسائی پائے کہاں مہر و ماہتاب

ہر ایک کو نہیں ہے مرا قرب دستیاب

پہنچائی دور دور تلک علم و آگہی

اپنے تئیں کیا ہے جہاں بھر کو فیض یاب

گرچہ رہ جنوں میں ہوئے بارہا ستم

پھر بھی یقین ہے ہمیں ہم ہوں گے کامیاب

اپنے کسی بھی فعل سے باتوں سے سوچ سے

ہرگز کسی کا جینا نہ کریے کبھی عذاب

کیسے بھلا غرور و تکبر کرے کوئی

مدفون ہو کے ہونا ہے اک دن ہمیں تراب

کوشش یہی ہے اپنی کہ اشرفؔ جہان میں

دست ہنر سے کرتے رہیں لفظ باریاب