mujhe aazad kar do na sabhi pur-soz nalon se

mujhe āzād kar do nā sabhī pur-soz nāloñ se

mirī ai ḳham-zada qismat dukhoñ kī saḳht chāloñ se

kahāñ se sabr laa.eñ ham kahāñ ab aur jaa.eñ ham

bahut hī zaḳhm paa.e haiñ are in husn vāloñ se

kisī ko soch kar kaise kisī kī soch se nikleñ

bahut bechain rahte haiñ ka.ī aise savāloñ se

ye ham se rūThne vaale manā.e ab nahīñ jaate

bahut uktā ga.e haiñ ham manāne ke ḳhayāloñ se

ḳhudā kā ḳhauf khaao kuchh Daro us zaat se logo

mujhe ab mat satāo nit-na.ī gahrī ye chāloñ se

koī nā-mehrbāñ jab hai banegā mehrbāñ kaise

isī uljhan meñ uljhe haiñ guzishta aaTh sāloñ se

kisī kā kore kāġhaz par banāyā aks thā 'kāshif'

ki ḳhushbū ab bhī uThtī hai usī ke kaale bāloñ se

mujhe aazad kar do na sabhi pur-soz nalon se

meri ai KHam-zada qismat dukhon ki saKHt chaalon se

kahan se sabr laen hum kahan ab aur jaen hum

bahut hi zaKHm pae hain are in husn walon se

kisi ko soch kar kaise kisi ki soch se niklen

bahut bechain rahte hain kai aise sawalon se

ye hum se ruThne wale manae ab nahin jate

bahut ukta gae hain hum manane ke KHayalon se

KHuda ka KHauf khao kuchh Daro us zat se logo

mujhe ab mat satao nit-nai gahri ye chaalon se

koi na-mehrban jab hai banega mehrban kaise

isi uljhan mein uljhe hain guzishta aaTh salon se

kisi ka kore kaghaz par banaya aks tha 'kashif'

ki KHushbu ab bhi uThti hai usi ke kale baalon se