mujhe hai zist ki talash zindagi ke shahr mein

mujhe hai ziist kī talāsh zindagī ke shahr meñ

taras rahā huuñ raushnī ko raushnī ke shahr meñ

kabhī kabhī junūñ kī vādiyoñ meñ ham sañbhal ga.e

kabhī kabhī fareb khaa.e āgahī ke shahr meñ

bhalā dil-e-shikasta ko kahāñ sukūn mil sake

hai shorishoñ kā ik hujūm ḳhāmushī ke shahr meñ

naqīb-e-hosh-o-'aql rakh sañbhal ke apnā har qadam

ḳhudī na kaam aa sakegī be-ḳhudī ke shahr meñ

jabīn-e-shoḳh ko kahāñ se sang-e-dar nasīb ho

matā'-e-hosh luT chukī hai bandagī ke shahr meñ

mujhe hai zist ki talash zindagi ke shahr mein

taras raha hun raushni ko raushni ke shahr mein

kabhi kabhi junun ki wadiyon mein hum sanbhal gae

kabhi kabhi fareb khae aagahi ke shahr mein

bhala dil-e-shikasta ko kahan sukun mil sake

hai shorishon ka ek hujum KHamushi ke shahr mein

naqib-e-hosh-o-'aql rakh sanbhal ke apna har qadam

KHudi na kaam aa sakegi be-KHudi ke shahr mein

jabin-e-shoKH ko kahan se sang-e-dar nasib ho

mata'-e-hosh luT chuki hai bandagi ke shahr mein