mujhe hona tha kya kuchh aur kya hona paDa hai

mujhe honā thā kyā kuchh aur kyā honā paḌā hai

vafā ke 'ahd meñ ik bevafā honā paḌā hai

hamīñ to us ke dar par apnā dukhḌā ro rahe the

ḳhudā vo thā nahīñ us ko ḳhudā honā paḌā hai

jinheñ kahtī thī duniyā do badan ik jaan haiñ vo

kahānī meñ magar un ko judā honā paḌā hai

mire kāñdhoñ pe saare ghar kī zimmedāriyāñ thī

zarā sī 'umr meñ mujh ko baḌā honā paḌā hai

ujālā karte karte ghar jalāne lag ga.e the

charāġho is liye mujh ko havā honā paḌā hai

mujhe jis vaqt us ke hausle kī thī zarūrat

mujhe us vaqt us kā hausla honā paḌā hai

asīrī bhī hameñ jab raas aane lag ga.ī thī

tabhī phir qaid se ham ko rihā honā paḌā hai

mujhe hona tha kya kuchh aur kya hona paDa hai

wafa ke 'ahd mein ek bewafa hona paDa hai

hamin to us ke dar par apna dukhDa ro rahe the

KHuda wo tha nahin us ko KHuda hona paDa hai

jinhen kahti thi duniya do badan ek jaan hain wo

kahani mein magar un ko juda hona paDa hai

mere kandhon pe sare ghar ki zimmedariyan thi

zara si 'umr mein mujh ko baDa hona paDa hai

ujala karte karte ghar jalane lag gae the

charagho is liye mujh ko hawa hona paDa hai

mujhe jis waqt us ke hausle ki thi zarurat

mujhe us waqt us ka hausla hona paDa hai

asiri bhi hamein jab ras aane lag gai thi

tabhi phir qaid se hum ko riha hona paDa hai