mujhe is jhamak se aaya nazar ek nigar-e-rana

mujhe is jhamak se aayā nazar ik nigār-e-ra.anā

ki ḳhur us ke husn-e-ruḳh ko lagā takne zarra-āsā

ḳhad-o-ḳhāl ḳhūbī-āgīñ lab-e-lāl paañ se rañgīñ

nazar āfat-e-dil-o-dīñ mizha sad-muzarrat-afzā

paḌī ruḳh pe zulf-e-pur-ḳham misī rashk-e-rañg-e-nīlam

ġharaz is tarah kā aalam ki parī kahe ahā-hā

kahā ham ne ai saman-bar parī-chehra mahr-paikar

jo chalī ho yuuñ jhamak kar kaho azm hai kidhar kā

hai ye vaqt-e-sair-e-bustāñ phaleñ ham bhī saath ai jaañ

kahā sun ke ye are myaañ koī tum bhī ho tamāshā

hai ye āshnā.ī aglī na shanāḳht ik do din kī

jo hai dil-dahī kī marzī to hai loch phir ye kaisā

kahā jab 'nazīr' ham ne ''yahī dil haiñ ham to rakhte''

to kahā jo nekī hove to phir us kā pūchhnā kyā

mujhe is jhamak se aaya nazar ek nigar-e-rana

ki KHur us ke husn-e-ruKH ko laga takne zarra-asa

KHad-o-KHal KHubi-agin lab-e-lal pan se rangin

nazar aafat-e-dil-o-din mizha sad-muzarrat-afza

paDi ruKH pe zulf-e-pur-KHam misi rashk-e-rang-e-nilam

gharaz is tarah ka aalam ki pari kahe aha-ha

kaha hum ne ai saman-bar pari-chehra mahr-paikar

jo chali ho yun jhamak kar kaho azm hai kidhar ka

hai ye waqt-e-sair-e-bustan phalen hum bhi sath ai jaan

kaha sun ke ye are myan koi tum bhi ho tamasha

hai ye aashnai agli na shanaKHt ek do din ki

jo hai dil-dahi ki marzi to hai loch phir ye kaisa

kaha jab 'nazir' hum ne yahi dil hain hum to rakhte

to kaha jo neki howe to phir us ka puchhna kya