mujhe is tarah na dekho mera dil machal na jae

mujhe is tarah na dekho mirā dil machal na jaa.e

ye balā kā manchalā hai kisī par phisal na jaa.e

mirī bachchī ro rahī hai maiñ abhī sulā ke aa.ī

zarā bhābhī dekhte rahnā kahīñ duudh ubal na jaa.e

karo chheḌ ab na mujh se na jagāo so.e fitne

jo charāġh bujh chukā hai kahīñ phir se jal na jaa.e

ye kahāñ kā chochalā hai zarā haT ke khelo munnā

mirā reshmī ġharāra kahīñ mal-gujal na jaa.e

tujhe is liye paḌosan maiñ nazar meñ rakh rahī huuñ

kahīñ un se hañste hañste tirī daal gal na jaa.e

ye to māntī huuñ 'sajnī' ki milī ho baad muddat

mujhe is qadar na bhīñcho mirā dam nikal na jaa.e

mujhe is tarah na dekho mera dil machal na jae

ye bala ka manchala hai kisi par phisal na jae

meri bachchi ro rahi hai main abhi sula ke aai

zara bhabhi dekhte rahna kahin dudh ubal na jae

karo chheD ab na mujh se na jagao soe fitne

jo charagh bujh chuka hai kahin phir se jal na jae

ye kahan ka chochala hai zara haT ke khelo munna

mera reshmi gharara kahin mal-gujal na jae

tujhe is liye paDosan main nazar mein rakh rahi hun

kahin un se hanste hanste teri dal gal na jae

ye to manti hun 'sajni' ki mili ho baad muddat

mujhe is qadar na bhincho mera dam nikal na jae