مجھے خاموش رہنا پڑ گیا ہے

مجھے خاموش رہنا پڑ گیا ہے

کوئی مجھ میں مسلسل بولتا ہے

خیال یار کا ہر ایک رستہ

تصور کی حدوں سے ماورا ہے

پریشانی میں بھی وہ خوش ہے شاید

اسے درویش کامل کی دعا ہے

خبر تک ہو نہیں پاتی کسی کو

وہ یوں دل کے دریچے کھولتا ہے

تمہاری یاد کا دل دوز جھونکا

سماعت کے سبھی در چیرتا ہے

محبت کے جزیرے کے مکینو

یہاں کی مختلف آب و ہوا ہے

مسلسل خواب میں ہر رات آ کر

کوئی میری جبیں کو چومتا ہے

مرے ہم راہ مت چلنا کہ آگے

نہ منزل ہے نہ کوئی راستہ ہے

تمہارے یاد کے جھونکے سے جامیؔ

جبیں پر اک عجب سا بل پڑا ہے