مجھے لگا مری قسمت میں ہے لکھا پتھر

مجھے لگا مری قسمت میں ہے لکھا پتھر

جو میرے سر پہ کسی سو سے آ گرا پتھر

کسی سے جبکہ مری کوئی دشمنی بھی نہیں

یہ کس نے آ کے مری راہ میں رکھا پتھر

وہ آنسو جس کو کبھی لوگ گل سمجھتے تھے

جو میری آنکھ سے ٹپکا تو ہو گیا پتھر

زمانہ معجزۂ حق تو تو نے دیکھا ہے

نبی کے حکم سے جب بولنے لگا پتھر

جو آئنے کو مقابل میں رکھ دیا میں نے

کسی نے طیش میں آ کر اٹھا لیا پتھر

ستم ظریفیٔ حالات کے سبب عدنانؔ

جو شخص موم کی صورت تھا ہو گیا پتھر