mujhe manzilon ki hai justuju na kisi Dagar ki talash hai

mujhe manziloñ kī hai justujū na kisī Dagar kī talāsh hai

jo mirī nazar ko samajh sake mujhe us nazar kī talāsh hai

mujhe pās-e-dair-o-haram nahīñ mirī bandagī hai vo bandagī

jahāñ ḳhud-baḳhud mirā sar jhuke usī sang-e-dar kī talāsh hai

ye jahān-e-ranj-o-alam to hai yahāñ roz-o-shab yahī ġham to hai

na ho jis kī phir koī shām-e-ġham mujhe us sahar kī talāsh hai

maiñ bhaTak rahā huuñ idhar udhar koī ham-safar hai na rāhbar

mirī manziloñ se jo ḳhud mile usī rahguzar kī talāsh hai

maiñ pareshāñ-hāl huuñ is qadar ki hai chashm-e-tar to hazīñ jigar

jahāñ chal ke dil ko sukūñ mile usī bām-o-dar kī talāsh hai

maiñ misāl-e-sham.a-e-mazār huuñ maiñ 'zafar' kā ujḌā dayār huuñ

maiñ vahī huuñ 'qaisar'-e-ġham-zada mujhe phir zafar kī talāsh hai

mujhe manzilon ki hai justuju na kisi Dagar ki talash hai

jo meri nazar ko samajh sake mujhe us nazar ki talash hai

mujhe pas-e-dair-o-haram nahin meri bandagi hai wo bandagi

jahan KHud-baKHud mera sar jhuke usi sang-e-dar ki talash hai

ye jahan-e-ranj-o-alam to hai yahan roz-o-shab yahi gham to hai

na ho jis ki phir koi sham-e-gham mujhe us sahar ki talash hai

main bhaTak raha hun idhar udhar koi ham-safar hai na rahbar

meri manzilon se jo KHud mile usi rahguzar ki talash hai

main pareshan-haal hun is qadar ki hai chashm-e-tar to hazin jigar

jahan chal ke dil ko sukun mile usi baam-o-dar ki talash hai

main misal-e-shama-e-mazar hun main 'zafar' ka ujDa dayar hun

main wahi hun 'qaisar'-e-gham-zada mujhe phir zafar ki talash hai