mujhe mushkil hai tujhe pas bulana jaana

mujhe mushkil hai tujhe paas bulānā jaanā

tū agar chāhe to āsān hai aanā jaanā

mil na mil mujh se magar tā-ba-mulāqāt kabhū

dil se is bande ko hargiz na bhulānā jaanā

phirā bahuterā bhaTaktā huā maiñ āḳhir-kār

tere kūche ke ta.iiñ apnā Thikānā jaanā

jo phirā tujh se to be-shub.h ḳhudā se hai phirā

tere baa.is se mujhe saarā zamāna jaanā

ik mulāqāt hai rūhānī digar jismānī

kisī sūrat se vo sūrat ko dikhānā jaanā

mahfil-e-yār meñ 'ḳhāmosh' hai lāzim tujh ko

misl-e-parvāna par-o-bāl jalānā jaanā

mujhe mushkil hai tujhe pas bulana jaana

tu agar chahe to aasan hai aana jaana

mil na mil mujh se magar ta-ba-mulaqat kabhu

dil se is bande ko hargiz na bhulana jaana

phira bahutera bhaTakta hua main aaKHir-kar

tere kuche ke tain apna Thikana jaana

jo phira tujh se to be-shubh KHuda se hai phira

tere bais se mujhe sara zamana jaana

ek mulaqat hai ruhani digar jismani

kisi surat se wo surat ko dikhana jaana

mahfil-e-yar mein 'KHamosh' hai lazim tujh ko

misl-e-parwana par-o-baal jalana jaana