mujhe tarik raaton ka sitam sone nahin deta

mujhe tārīk rātoñ kā sitam sone nahīñ detā

bhale hī dard zyāda ho yā kam sone nahīñ detā

udāsī chīḳhtī rahtī hai aksar der rātoñ tak

mujhe hastī kā har ranj-o-alam sone nahīñ detā

na jaane kitne sāyoñ kā ta'āqub hai abhī karnā

mujhe aksar yahī bas ek ġham sone nahīñ detā

abhī hālāt haiñ aise ki har shai bikhrī bikhrī hai

musalsal ek fikr-e-besh-o-kam sone nahīñ detā

kabhī dhun pe tumhārī sāñsoñ kī maiñ so bhī jaatā huuñ

kabhī zulfoñ kā terī pech-o-ḳham sone nahīñ detā

mujhe tarik raaton ka sitam sone nahin deta

bhale hi dard zyaada ho ya kam sone nahin deta

udasi chiKHti rahti hai aksar der raaton tak

mujhe hasti ka har ranj-o-alam sone nahin deta

na jaane kitne sayon ka ta'aqub hai abhi karna

mujhe aksar yahi bas ek gham sone nahin deta

abhi haalat hain aise ki har shai bikhri bikhri hai

musalsal ek fikr-e-besh-o-kam sone nahin deta

kabhi dhun pe tumhaari sanson ki main so bhi jata hun

kabhi zulfon ka teri pech-o-KHam sone nahin deta