mujhe talash thi jis ki wahi kabhi na mili

mujhe talāsh thī jis kī vahī kabhī na milī

har ek chiiz milī ek zindagī na milī

tirī talāsh meñ pairoñ meñ paḌ ga.e chhāle

magar ai manzil-e-maqsūd tū kabhī na milī

ḳhushī se dostī merī bhī thī magar ik din

ḳhafā huī vo kuchh aisī ke phir kabhī na milī

vo jis charāġh ke dam se makān raushan thā

usī charāġh ko ḳhud apnī raushnī na milī

tumhāre hijr meñ aisā bhī vaqt aaya hai

badan TaTol ke dekhā to nabz hī na milī

ye jism hai ke faqat shor gul hai sāñsoñ kā

ye aañkh hai ke koī ḳhvāb dekhtī na milī

dil-o-dimāġh pe haavī rahā ġham-e-daurāñ

ḳhushī ke saath bhī rah kar mujhe ḳhushī na milī

mujhe na mil sakā sūraj mire muqaddar kā

tirā nasīb tujhe merī 'chāñdnī' na milī

mujhe talash thi jis ki wahi kabhi na mili

har ek chiz mili ek zindagi na mili

teri talash mein pairon mein paD gae chhaale

magar ai manzil-e-maqsud tu kabhi na mili

KHushi se dosti meri bhi thi magar ek din

KHafa hui wo kuchh aisi ke phir kabhi na mili

wo jis charagh ke dam se makan raushan tha

usi charagh ko KHud apni raushni na mili

tumhaare hijr mein aisa bhi waqt aaya hai

badan TaTol ke dekha to nabz hi na mili

ye jism hai ke faqat shor gul hai sanson ka

ye aankh hai ke koi KHwab dekhti na mili

dil-o-dimagh pe hawi raha gham-e-dauran

KHushi ke sath bhi rah kar mujhe KHushi na mili

mujhe na mil saka suraj mere muqaddar ka

tera nasib tujhe meri 'chandni' na mili