mujhe udas bhi karte rahe mere andar

mujhe udaas bhī karte rahe mire andar

jo phuul khil ke bikharte rahe mire andar

mujhe miTātī rahī merī ḳhāmushī aksar

mire hī ḳhvāb bikharte rahe mire andar

mayassar aaya na un ko libās-e-saut-o-sadā

mire ḳhayāl sañvarte rahe mire andar

ab un kī maar se chehra bujhā bujhā hai mirā

jo sadme mujh pe guzarte rahe mire andar

baḌe jatan se jalā.e the kuchh diye maiñ ne

jo ek jhoñke se Darte rahe mire andar

vo ashk-e-dil kī zamīnoñ ko kar ga.e shādāb

jo qatra qatra utarte rahe mire andar

mirī numū meñ rukāvaT bane rahe 'āmir'

jo vasvase se ubharte rahe mire andar

mujhe udas bhi karte rahe mere andar

jo phul khil ke bikharte rahe mere andar

mujhe miTati rahi meri KHamushi aksar

mere hi KHwab bikharte rahe mere andar

mayassar aaya na un ko libas-e-saut-o-sada

mere KHayal sanwarte rahe mere andar

ab un ki mar se chehra bujha bujha hai mera

jo sadme mujh pe guzarte rahe mere andar

baDe jatan se jalae the kuchh diye main ne

jo ek jhonke se Darte rahe mere andar

wo ashk-e-dil ki zaminon ko kar gae shadab

jo qatra qatra utarte rahe mere andar

meri numu mein rukawaT bane rahe 'amir'

jo waswase se ubharte rahe mere andar