mujhe utnī hī qadr-e-zindagānī hotī jaatī hai
kisī kī jitnī mujh par mehrbānī hotī jaatī hai
ḳhudā ma.alūm ye kaisā zamāna aatā jaatā hai
ki har har saañs ab to imtihānī hotī jaatī hai
mohabbat karne vaalā sū-e-manzil baḌhtā jaatā hai
jo mushkil aatī jaatī hai vo paanī hotī jaatī hai
jidhar jaao musībat hai jidhar dekho musībat hai
musībat ab to juzv-e-zindagānī hotī jaatī hai
ḳhudā kā shukr dil rāh-e-vafā meñ miTtā jaatā hai
jo faanī chiiz hai vo jāvedānī hotī jaatī hai
ham apnā daur-e-māzī bhūlte jaate haiñ ai 'shārib'
qayāmat hai haqīqat bhī kahānī hotī jaatī hai
mujhe utni hi qadr-e-zindagani hoti jati hai
kisi ki jitni mujh par mehrbani hoti jati hai
KHuda malum ye kaisa zamana aata jata hai
ki har har sans ab to imtihani hoti jati hai
mohabbat karne wala su-e-manzil baDhta jata hai
jo mushkil aati jati hai wo pani hoti jati hai
jidhar jao musibat hai jidhar dekho musibat hai
musibat ab to juzw-e-zindagani hoti jati hai
KHuda ka shukr dil rah-e-wafa mein miTta jata hai
jo fani chiz hai wo jawedani hoti jati hai
hum apna daur-e-mazi bhulte jate hain ai 'shaarib'
qayamat hai haqiqat bhi kahani hoti jati hai
Source :
- Book : Firdaus-e-Nazar (Pg. 22)
- Author : Sultan Haider Khan
-
Publication : Urdu Acadami U.P
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
