mujhe wo shaKHs kahin chhoD kar nahin jata
mujhe vo shaḳhs kahīñ chhoḌ kar nahīñ jaatā
maiñ chāhtā huuñ ki jaa.e magar nahīñ jaatā
tamām din kī ġhulāmī ke baa'd daftar se
kisī bahisht meñ jaatā huuñ ghar nahīñ jaatā
satā rahī hai mujhe zindagī bahut lekin
koī kisī ke satāne se mar nahīñ jaatā
ziyāda vaqt Tahalte hue guzartā hai
qafas meñ bhī mirā shauq-e-safar nahīñ jaatā
ḳhayāl pesh karo be-jhijhak 'sha'ūr' apnā
koī ḳhayāl kabhī be-asar nahīñ jaatā
mujhe wo shaKHs kahin chhoD kar nahin jata
main chahta hun ki jae magar nahin jata
tamam din ki ghulami ke ba'd daftar se
kisi bahisht mein jata hun ghar nahin jata
sata rahi hai mujhe zindagi bahut lekin
koi kisi ke satane se mar nahin jata
ziyaada waqt Tahalte hue guzarta hai
qafas mein bhi mera shauq-e-safar nahin jata
KHayal pesh karo be-jhijhak 'sha'ur' apna
koi KHayal kabhi be-asar nahin jata
- Book : Ab Main Aksar Main Nahi Rehta (Pg. 55)
- Author : Anwar Shaoor
- Publication : Rekhta Publications (2024)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
