mujhe ye sun ke hairani bahut hai
mujhe ye sun ke hairānī bahut hai
tumhārī aañkh meñ paanī bahut hai
tire dil pe hukūmat chāhtā huuñ
mujhe itnī hī sultānī bahut hai
mujhe apnā muḳhālif māntā hai
mire beTe meñ nādānī bahut hai
kisī ke sāmne hājat to rakh deñ
magar is meñ pashemānī bahut hai
ilāhī is maraz se duur rakhnā
mohabbat meñ pareshānī bahut hai
mirī barbādiyoñ meñ 'nāzim'-ashraf
mire apnoñ kī qurbānī bahut hai
mujhe ye sun ke hairani bahut hai
tumhaari aankh mein pani bahut hai
tere dil pe hukumat chahta hun
mujhe itni hi sultani bahut hai
mujhe apna muKHalif manta hai
mere beTe mein nadani bahut hai
kisi ke samne hajat to rakh den
magar is mein pashemani bahut hai
ilahi is maraz se dur rakhna
mohabbat mein pareshani bahut hai
meri barbaadiyon mein 'nazim'-ashraf
mere apnon ki qurbani bahut hai
- Book : Scan File Mail By Salim Saleem
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
