mujhe zamin se mohabbat thi ja ke lauT aaya

mujhe zamīñ se mohabbat thī jā ke lauT aaya

falak ko ishq kī azmat dikhā ke lauT aaya

charāġh qabr-e-vafā par jalā ke lauT aaya

maiñ apne dil ko Thikāne lagā ke lauT aaya

to sahn-e-āsmāñ sab bhar gayā sitāroñ se

maiñ ḳhaak chāñd ke muñh par uḌā ke lauT aaya

amīr-e-shahr mujhe taaj dene vaalā thā

maiñ niiñv us ke mahal kī hilā ke luuT aaya

vo ek tiir jo pūñjī thī us kī āñkhoñ kī

use maiñ apne jigar meñ dhañsā ke lauT aaya

bahār aa.e na aa.e mire gulistāñ tak

maiñ dasht-o-sahrā meñ ġhunche khilā ke lauT aaya

maiñ chāhtā thā vo jaa.e to phir nahīñ aa.e

magar vo phir na.ī bāteñ banā ke lauT aaya

bahut ġhurūr thā us ko buland hone par

maiñ āsmān ke sar ko jhukā ke lauT aaya

subūt merī mohabbat kā māñgne vaalo

lahū se dār-o-rasan ko sajā ke lauT aaya

havā ke paañv bahut laḌkhaḌā rahe the 'nadīm'

bahaktī shaam ko lemū chaTā ke lauT aaya

mujhe zamin se mohabbat thi ja ke lauT aaya

falak ko ishq ki azmat dikha ke lauT aaya

charagh qabr-e-wafa par jala ke lauT aaya

main apne dil ko Thikane laga ke lauT aaya

to sahn-e-asman sab bhar gaya sitaron se

main KHak chand ke munh par uDa ke lauT aaya

amir-e-shahr mujhe taj dene wala tha

main ninw us ke mahal ki hila ke luT aaya

wo ek tir jo punji thi us ki aankhon ki

use main apne jigar mein dhansa ke lauT aaya

bahaar aae na aae mere gulistan tak

main dasht-o-sahra mein ghunche khila ke lauT aaya

main chahta tha wo jae to phir nahin aae

magar wo phir nai baaten bana ke lauT aaya

bahut ghurur tha us ko buland hone par

main aasman ke sar ko jhuka ke lauT aaya

subut meri mohabbat ka mangne walo

lahu se dar-o-rasan ko saja ke lauT aaya

hawa ke panw bahut laDkhaDa rahe the 'nadim'

bahakti sham ko lemu chaTa ke lauT aaya