mujrim-e-ishq talabgar-e-muafi to nahin

mujrim-e-ishq talabgār-e-muāfī to nahīñ

sirf ġham chāhtā hai ġham kī talāfī to nahīñ

soch le ye bhī har ummīd se pahle ai dil

ye sahārā tirī ġhairat ke munāfī to nahīñ

rone vaale ye nadāmat bhī ġhanīmat hai magar

sirf do ashk gunāhoñ kī talāfī to nahīñ

zarf-e-mai-kash pe nazar chāhiye saaqī tujh ko

ek do jaam ġhanīmat sahī kaafī to nahīñ

abhī ilzām-e-taġhāful na de un ko ai dil

shām-e-va.ada sahar-e-va.ada-ḳhilāfī to nahīñ

mujrim-e-ishq talabgar-e-muafi to nahin

sirf gham chahta hai gham ki talafi to nahin

soch le ye bhi har ummid se pahle ai dil

ye sahaara teri ghairat ke munafi to nahin

rone wale ye nadamat bhi ghanimat hai magar

sirf do ashk gunahon ki talafi to nahin

zarf-e-mai-kash pe nazar chahiye saqi tujh ko

ek do jam ghanimat sahi kafi to nahin

abhi ilzam-e-taghaful na de un ko ai dil

sham-e-wada sahar-e-wada-KHilafi to nahin