mujrim hai tumhaara to saza kyun nahin dete

mujrim hai tumhārā to sazā kyuuñ nahīñ dete

is shaḳhs ko jiine kī duā kyuuñ nahīñ dete

is peḌ ke saa.e meñ bhī kyuuñ itnī ghuTan hai

haiñ sabz ye patte to havā kyuuñ dete

jis ḳhuun meñ aa jaa.e safedī kī milāvaT

us ḳhuun ko āñkhoñ se bahā kyuuñ nahīñ dete

ā.īne satāte haiñ to chehre ko na dekho

āñkhoñ meñ chamak hai to bujhā kyuuñ nahīñ dete

is arsa-e-ḳhāmosh meñ ham tanhā khaḌe haiñ

hai dard hamārā to sadā kyuuñ nahīñ dete

kuchh log jo pīchhe haiñ vo panjoñ pe khaḌe haiñ

qad apnā ye thoḌā sā ghaTā kyuuñ nahīñ dete

hai aag kā ye khel to phir sochnā kaisā

ḳhud apnā badan aap jalā kyuuñ nahīñ dete

vo baat jo paḌhte rahe āñkhoñ meñ hamārī

vo saare zamāne ko batā kyuuñ nahīñ dete

mujrim hai tumhaara to saza kyun nahin dete

is shaKHs ko jine ki dua kyun nahin dete

is peD ke sae mein bhi kyun itni ghuTan hai

hain sabz ye patte to hawa kyun dete

jis KHun mein aa jae safedi ki milawaT

us KHun ko aankhon se baha kyun nahin dete

aaine satate hain to chehre ko na dekho

aankhon mein chamak hai to bujha kyun nahin dete

is arsa-e-KHamosh mein hum tanha khaDe hain

hai dard hamara to sada kyun nahin dete

kuchh log jo pichhe hain wo panjon pe khaDe hain

qad apna ye thoDa sa ghaTa kyun nahin dete

hai aag ka ye khel to phir sochna kaisa

KHud apna badan aap jala kyun nahin dete

wo baat jo paDhte rahe aankhon mein hamari

wo sare zamane ko bata kyun nahin dete