mukaddar hi tha kuchh aisa hamara
mukaddar hī thā kuchh aisā hamārā
safar kaTtā rahā tanhā hamārā
ka.ī chehroñ kā ġham hai is meñ shāmil
hamārā hai kahāñ chehra hamārā
vo bhūle aur ham bhūle na un ko
ta.alluq hai yahī un kā hamārā
hameñ manzil pe aa kar ye ḳhalish hai
palaT jaate to kyā jaatā hamārā
nibhāne kī musalsal koshishoñ meñ
bigaḌtā hī gayā rishta hamārā
chiḌhātā hai koī lahroñ ko aksar
banā kar ret par naqsha hamārā
hai apnī 'chāñdnī' hī chaar din kī
bigāḌegī hī kyā duniyā hamārā
mukaddar hi tha kuchh aisa hamara
safar kaTta raha tanha hamara
kai chehron ka gham hai is mein shamil
hamara hai kahan chehra hamara
wo bhule aur hum bhule na un ko
talluq hai yahi un ka hamara
hamein manzil pe aa kar ye KHalish hai
palaT jate to kya jata hamara
nibhane ki musalsal koshishon mein
bigaDta hi gaya rishta hamara
chiDhata hai koi lahron ko aksar
bana kar ret par naqsha hamara
hai apni 'chandni' hi chaar din ki
bigaDegi hi kya duniya hamara
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
