muḳhtasar hī sahī mayassar hai
jo bhī kuchh hai nahīñ se behtar hai
din-dahāḌe gunāh kartā huuñ
mo'tabar ho na jā.ūñ ye Dar hai
manch par kāmyāb ho ki na ho
mujh ko kirdār apnā azbar hai
sab ko pathrā diyā palak jhapke
ham na kahte the shobada-gar hai
ain mumkin hai vo palaT aa.e
merā īmān mojazoñ par hai
pahle mausam pe tabsira karnā
phir vo kahnā jo dil ke andar hai
saare manzar hasīn lagte haiñ
dūriyāñ kam na hoñ to behtar hai
rāste bain kar rahe haiñ kyuuñ
kyā masāfat ye intihā par hai
fasl boī bhī ham ne kaaTī bhī
ab na kahnā zamīn banjar hai
muKHtasar hi sahi mayassar hai
jo bhi kuchh hai nahin se behtar hai
din-dahaDe gunah karta hun
mo'tabar ho na jaun ye Dar hai
manch par kaamyab ho ki na ho
mujh ko kirdar apna azbar hai
sab ko pathra diya palak jhapke
hum na kahte the shobada-gar hai
ain mumkin hai wo palaT aae
mera iman mojazon par hai
pahle mausam pe tabsira karna
phir wo kahna jo dil ke andar hai
sare manzar hasin lagte hain
duriyan kam na hon to behtar hai
raste bain kar rahe hain kyun
kya masafat ye intiha par hai
fasl boi bhi hum ne kaTi bhi
ab na kahna zamin banjar hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
