mumkin mujhe jo ho be-riya ho

mumkin mujhe jo ho be-riyā ho

masnad ho ki is meñ boriyā ho

jab qābil-e-dīd dil-rubā ho

allāh kare ki bā-vafā ho

bhejā nahīñ ḳhat-e-shauq kab se

mā'lūm huā ki tum ḳhafā ho

be-tābī-e-dil agar dikhā.ūñ

koī na kisī kā mubtalā ho

martā hai zar pe ahl-e-duniyā

nāmard ko kab ḳhvāhish-e-tilā ho

miTTī kar de jo aap ko to

nazroñ meñ ḳhaak kīmiyā ho

aa.ī hai fasl-e-gul chaman meñ

ai hosh-o-ḳhirad chalo havā ho

kyā mujh ko dar-ba-dar phirāyā

ai ḳhvāhish-e-dil tirā burā ho

dikhlā.ī tū ne yaar kī shakl

ai jazba-e-dil tirā bhalā ho

lipTo mujhe aa ke hijr kī shab

ai gesū-e-yār agar balā ho

ai 'muntahī' bazm-e-yār kā haal

kyā jāniye baa'd mere kyā ho

mumkin mujhe jo ho be-riya ho

masnad ho ki is mein boriya ho

jab qabil-e-did dil-ruba ho

allah kare ki ba-wafa ho

bheja nahin KHat-e-shauq kab se

ma'lum hua ki tum KHafa ho

be-tabi-e-dil agar dikhaun

koi na kisi ka mubtala ho

marta hai zar pe ahl-e-duniya

namard ko kab KHwahish-e-tila ho

miTTi kar de jo aap ko to

nazron mein KHak kimiya ho

aai hai fasl-e-gul chaman mein

ai hosh-o-KHirad chalo hawa ho

kya mujh ko dar-ba-dar phiraya

ai KHwahish-e-dil tera bura ho

dikhlai tu ne yar ki shakl

ai jazba-e-dil tera bhala ho

lipTo mujhe aa ke hijr ki shab

ai gesu-e-yar agar bala ho

ai 'muntahi' bazm-e-yar ka haal

kya jaaniye ba'd mere kya ho