mumkin nahin junun mein magar chahta hun main

mumkin nahīñ junūñ meñ magar chāhtā huuñ maiñ

ya.anī duā se pahle asar chāhtā huuñ maiñ

sab se judā mazāq-e-nazar chāhtā huuñ maiñ

shab hī na jis kī ho vo sahar chāhtā huuñ maiñ

ai chashm-e-mast-e-nāz koī jurm to nahīñ

dīvāngī se hosh agar chāhtā huuñ maiñ

ik iltijā hai sirf mire mālik-e-hayāt

jo ḳham na ho jahāñ se vo sar chāhtā huuñ maiñ

phir kar liyā bahār meñ tāmīr-e-āshiyāñ

phir raushnī-e-barq-o-sharar chāhtā huuñ maiñ

apne tasavvurāt-e-mohabbat kī bazm meñ

aalam tamām pesh-e-nazar chāhtā huuñ maiñ

phir aa.eñ hādsāt-e-zamāna mire qarīb

un kā jamāl apnī nazar chāhtā huuñ maiñ

kyoñ nāgavār ahl-e-chaman ko hai ham-nashīñ

apne liye hayāt agar chāhtā huuñ maiñ

paik-e-talab ko manzil-e-āḳhir kī hai talāsh

muddat ke baad apnī ḳhabar chāhtā huuñ maiñ

phir un ke dekhne kī tamanna nazar ko hai

tārīkiyoñ meñ nūr-e-sahar chāhtā huuñ maiñ

mumkin nahin junun mein magar chahta hun main

yani dua se pahle asar chahta hun main

sab se juda mazaq-e-nazar chahta hun main

shab hi na jis ki ho wo sahar chahta hun main

ai chashm-e-mast-e-naz koi jurm to nahin

diwangi se hosh agar chahta hun main

ek iltija hai sirf mere malik-e-hayat

jo KHam na ho jahan se wo sar chahta hun main

phir kar liya bahaar mein tamir-e-ashiyan

phir raushni-e-barq-o-sharar chahta hun main

apne tasawwuraat-e-mohabbat ki bazm mein

aalam tamam pesh-e-nazar chahta hun main

phir aaen hadsat-e-zamana mere qarib

un ka jamal apni nazar chahta hun main

kyon nagawar ahl-e-chaman ko hai ham-nashin

apne liye hayat agar chahta hun main

paik-e-talab ko manzil-e-aKHir ki hai talash

muddat ke baad apni KHabar chahta hun main

phir un ke dekhne ki tamanna nazar ko hai

tarikiyon mein nur-e-sahar chahta hun main