مناسب نہیں آسرا مانگنا
مناسب نہیں آسرا مانگنا
دعا مانگنا بھی تو کیا مانگنا
اگر آندھیوں سے ملاقات ہو
ہمارے لیے بھی ہوا مانگنا
کناروں کی امید گرداب سے
کناروں سے موج بلا مانگنا
تذبذب کے عالم میں سوچا کیے
دعا مانگنا یا دوا مانگنا
جہاں بٹ رہی ہو خوشی تول کر
وہاں درد بے انتہا مانگنا
عجب راستے کے مسافر ہیں ہم
نہ آیا ہمیں راستہ مانگنا
اسی دن رضاؔ موت آ جائے گی
کسی دن اگر پڑ گیا مانگنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
