munawwar aur mubham istiare dekh leta hun
munavvar aur mub.ham isti.āre dekh letā huuñ
maiñ sote jāgte dilkash nazāre dekh letā huuñ
maiñ chashm-e-nārasā se khīñchtā rahtā huuñ tasvīreñ
koī saa.at ho sūraj chāñd taare dekh letā huuñ
maiñ bachchoñ kī nazar se dekhtā huuñ chāñd meñ thālī
magar chashm-e-hunar se māh-pāre dekh letā huuñ
akelā DhūñDtā phirtā huuñ ranj-e-nā-shanāsā.ī
ki jiine ke liye mumkin sahāre dekh letā huuñ
saham kar baiTh jaatā huuñ galī meñ shor-e-girya se
nikalnā hai to phir imkān saare dekh letā huuñ
saḌak kī jagmagātī raushnī meñ ḳhauf lagtā hai
guzartā huuñ to mausam ke ishāre dekh letā huuñ
mohabbat bhī zarūrat pesh-bīnī bhī zarūrat hai
maiñ kār-e-dostī meñ sab ḳhasāre dekh letā huuñ
munawwar aur mubham istiare dekh leta hun
main sote jagte dilkash nazare dekh leta hun
main chashm-e-narasa se khinchta rahta hun taswiren
koi saat ho suraj chand tare dekh leta hun
main bachchon ki nazar se dekhta hun chand mein thaali
magar chashm-e-hunar se mah-pare dekh leta hun
akela DhunDta phirta hun ranj-e-na-shanasai
ki jine ke liye mumkin sahaare dekh leta hun
saham kar baiTh jata hun gali mein shor-e-girya se
nikalna hai to phir imkan sare dekh leta hun
saDak ki jagmagati raushni mein KHauf lagta hai
guzarta hun to mausam ke ishaare dekh leta hun
mohabbat bhi zarurat pesh-bini bhi zarurat hai
main kar-e-dosti mein sab KHasare dekh leta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
