منہ میں زبان ہے مرے میں بے نوا نہیں

منہ میں زبان ہے مرے میں بے نوا نہیں

دنیا پہ اپنے راز مگر کھولتا نہیں

میں اہل زر کی بزم کا ناظم سہی مگر

غربت کے ساتھ میرا رویہ برا نہیں

مجھ کو چمن کی کلیوں سے رغبت ضرور ہے

میں شاخ سے کلی کو مگر توڑتا نہیں

ہے رب ذو الجلال کی تخلیق ہر بشر

میری نظر میں کوئی بھی اچھا برا نہیں

اچھائیاں بٹورنا میرا اصول ہے

اور میں اصول سے کبھی منہ موڑتا نہیں

جو کچھ بھی مانگتا ہوں خدائے عظیم سے

ہاتھ آدمی کے سامنے میں جوڑتا نہیں

ہم وارثان علم و ادب ہیں کہ اے خطیبؔ

جز شاعری ہمارا کوئی مشغلہ نہیں