munh mera ek ek takta tha

muñh mirā ek ek taktā thā

us kī mahfil meñ maiñ tamāshā thā

ham jo tujh se phireñ ḳhudā se phireñ

yaad hai kuchh ye qaul kis kā thā

vasl meñ bhī rahā firāq kā ġham

shaam hī se sahar kā khaTkā thā

apnī āñkhoñ kā kuchh qusūr nahīñ

husn hī dil-fareb is kā thā

fātiha paḌh rahe the vo jab tak

merī turbat par ek melā thā

nāma-bar naama jab diyā tū ne

kuchh zabānī bhī us ne pūchhā thā

ab kuchh is kā bhī e.atibār nahīñ

pahle dil par baḌā bharosā thā

vo jo ruk ruk ke pūchhte the haal

dil meñ rah rah ke dard uThtā thā

jūThā va.ada bhī ai 'hafīz' un kā

zindagī kā mirī sahārā thā

munh mera ek ek takta tha

us ki mahfil mein main tamasha tha

hum jo tujh se phiren KHuda se phiren

yaad hai kuchh ye qaul kis ka tha

wasl mein bhi raha firaq ka gham

sham hi se sahar ka khaTka tha

apni aankhon ka kuchh qusur nahin

husn hi dil-fareb is ka tha

fatiha paDh rahe the wo jab tak

meri turbat par ek mela tha

nama-bar nama jab diya tu ne

kuchh zabani bhi us ne puchha tha

ab kuchh is ka bhi eatibar nahin

pahle dil par baDa bharosa tha

wo jo ruk ruk ke puchhte the haal

dil mein rah rah ke dard uThta tha

juTha wada bhi ai 'hafiz' un ka

zindagi ka meri sahaara tha