munh pe khata hai ye is tarah se talwar ki bas

muñh pe khātā hai ye is tarah se talvār ki bas

dil mirā ishq meñ aisā hai jigar-dār ki bas

naza.a meñ dekh mujhe yaar jhijak kar bolā

kyā burī tarah se martā hai ye bīmār ki bas

aap ko bech ke yūsuf ne zuleḳhā ko liyā

kyā ḳharīdār ne paayā hai ḳharīdār ki bas

is jhaḌī setī kahīñ gir na paḌe bām-e-falak

is tarah rote haiñ tujh bin dar-o-dīvār ki bas

ishq ke dār-e-shifā meñ mujhe le chal tū 'yaqīñ'

ki tabīboñ ne diyā is qadar āzār ki bas

munh pe khata hai ye is tarah se talwar ki bas

dil mera ishq mein aisa hai jigar-dar ki bas

naza mein dekh mujhe yar jhijak kar bola

kya buri tarah se marta hai ye bimar ki bas

aap ko bech ke yusuf ne zuleKHa ko liya

kya KHaridar ne paya hai KHaridar ki bas

is jhaDi seti kahin gir na paDe baam-e-falak

is tarah rote hain tujh bin dar-o-diwar ki bas

ishq ke dar-e-shifa mein mujhe le chal tu 'yaqin'

ki tabibon ne diya is qadar aazar ki bas