munh-zor hain maghrur hain pur-kar nahin hain
munh-zor hain maghrur hain pur-kar nahin hain
Hans Raj Sachdev 'hazii.n'
MORE BYHans Raj Sachdev 'hazii.n'
muñh-zor haiñ maġhrūr haiñ pur-kār nahīñ haiñ
ham log abhī sāhab-e-kirdār nahīñ haiñ
jab aap hī ulfat meñ vafādār nahīñ haiñ
phir ham se gilā kyuuñ ki talabgār nahīñ haiñ
ham sāqi-e-mah-vash haiñ gunahgār-e-aqīdat
ham pīne-pilāne ke gunahgār nahīñ haiñ
be-mahrī-o-be-gāñgī-o-jor-o-taġhāful
ham aisī mohabbat ke parastār nahīñ haiñ
kyā ahl-e-chaman-zār ke ajsām meñ hai jaan
kyā ahl-e-chaman jaan se bezār nahīñ haiñ
muḳhtār bhī mālik bhī haiñ ġhairoñ ke liye aap
apnoñ ke liye mālik-o-muḳhtār nahīñ haiñ
mat pūchhiye maiḳhāne kā dastūr 'hazīñ' se
zī-hosh hī maiḳhāne meñ hoshiyār nahīñ haiñ
munh-zor hain maghrur hain pur-kar nahin hain
hum log abhi sahab-e-kirdar nahin hain
jab aap hi ulfat mein wafadar nahin hain
phir hum se gila kyun ki talabgar nahin hain
hum saqi-e-mah-wash hain gunahgar-e-aqidat
hum pine-pilane ke gunahgar nahin hain
be-mahri-o-be-gangi-o-jor-o-taghaful
hum aisi mohabbat ke parastar nahin hain
kya ahl-e-chaman-zar ke ajsam mein hai jaan
kya ahl-e-chaman jaan se bezar nahin hain
muKHtar bhi malik bhi hain ghairon ke liye aap
apnon ke liye malik-o-muKHtar nahin hain
mat puchhiye maiKHane ka dastur 'hazin' se
zi-hosh hi maiKHane mein hoshiyar nahin hain
- Book : SAAZ-O-NAVA (Pg. 135)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
