munsalik ho kar tumhaare nam se

munsalik ho kar tumhāre naam se

mutma.in huuñ gardish-e-ayyām se

ban ga.e mere liye ilzām se

jo payām aa.e tumhāre naam se

hai tasavvur meñ tire gesū kī chhāñv

niiñd aa.ī hai baḌe ārām se

jin kī tahrīroñ se pahchānā gayā

kuchh ḳhutūt aise bhī the gumnām se

aaj tanhā aap hī rusvā nahīñ

ho ga.e haiñ ham bhī kuchh badnām se

tere aane kī ḳhabar ke bāvajūd

kis qadar be-tābiyāñ haiñ shaam se

kuchh kasar marne meñ baaqī hī na thī

jī uThā 'bismil' tire paiġhām se

munsalik ho kar tumhaare nam se

mutmain hun gardish-e-ayyam se

ban gae mere liye ilzam se

jo payam aae tumhaare nam se

hai tasawwur mein tere gesu ki chhanw

nind aai hai baDe aaram se

jin ki tahriron se pahchana gaya

kuchh KHutut aise bhi the gumnam se

aaj tanha aap hi ruswa nahin

ho gae hain hum bhi kuchh badnam se

tere aane ki KHabar ke bawajud

kis qadar be-tabiyan hain sham se

kuchh kasar marne mein baqi hi na thi

ji uTha 'bismil' tere paigham se