منسلک ہو کر تمہارے نام سے
منسلک ہو کر تمہارے نام سے
مطمئن ہوں گردش ایام سے
بن گئے میرے لیے الزام سے
جو پیام آئے تمہارے نام سے
ہے تصور میں ترے گیسو کی چھاؤں
نیند آئی ہے بڑے آرام سے
جن کی تحریروں سے پہچانا گیا
کچھ خطوط ایسے بھی تھے گمنام سے
آج تنہا آپ ہی رسوا نہیں
ہو گئے ہیں ہم بھی کچھ بدنام سے
تیرے آنے کی خبر کے باوجود
کس قدر بے تابیاں ہیں شام سے
کچھ کسر مرنے میں باقی ہی نہ تھی
جی اٹھا بسملؔ ترے پیغام سے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
