muntashir hote hue ambar ko taswir kar

muntashir hote hue ambār ko tasvīr kar

soch kī photo banā afkār ko tasvīr kar

sabr ko kar canvas jo yaar kī ḳhātir sahā

yaar kī photo banā phir ġhaar ko tasvīr kar

camere meñ qaid kar tahrīr kī taklīf ko

hijr meñ likkhe ga.e ash.ār ko tasvīr kar

raat din phir un se kar to ham-kalāmī guftugū

iiñT kā ik dil banā dīvār ko tasvīr kar

ik qayāmat dekh le rohingya par TūTtī

dard ko ik shakl de āzār ko tasvīr kar

ḳhvāhishoñ ke ḳhūbsūrat qasr kī ta.amīr kar

kar mujassam ḳhvāb ko me.amār ko tasvīr kar

muntashir hote hue ambar ko taswir kar

soch ki photo bana afkar ko taswir kar

sabr ko kar canwas jo yar ki KHatir saha

yar ki photo bana phir ghaar ko taswir kar

camere mein qaid kar tahrir ki taklif ko

hijr mein likkhe gae ashaar ko taswir kar

raat din phir un se kar to ham-kalami guftugu

inT ka ek dil bana diwar ko taswir kar

ek qayamat dekh le rohingya par TuTti

dard ko ek shakl de aazar ko taswir kar

KHwahishon ke KHubsurat qasr ki tamir kar

kar mujassam KHwab ko meamar ko taswir kar