muntazir aankhen hain meri sham se
muntazir āñkheñ haiñ merī shaam se
sham.a raushan hai tumhāre naam se
chhīn letā hai sukūñ shohrat kā shauq
is liye ham rah ga.e gumnām se
sach kī ḳhātir jaan jaatī hai to jaa.e
ham nahīñ Darte kisī anjām se
apne man kī baat ab kis se kahūñ
aa.ina nārāz hai kal shaam se
kyā ajab duniyā hai ye duniyā yahāñ
log milte haiñ magar bas kaam se
aisā kuchh ho jaa.e dil TuuTe nahīñ
sochiyegā aap bhī ārām se
mujh se pūchho āñsuoñ kī barkateñ
mutma.in huuñ ranj-o-ġham ālām se
muntazir aankhen hain meri sham se
shama raushan hai tumhaare nam se
chhin leta hai sukun shohrat ka shauq
is liye hum rah gae gumnam se
sach ki KHatir jaan jati hai to jae
hum nahin Darte kisi anjam se
apne man ki baat ab kis se kahun
aaina naraaz hai kal sham se
kya ajab duniya hai ye duniya yahan
log milte hain magar bas kaam se
aisa kuchh ho jae dil TuTe nahin
sochiyega aap bhi aaram se
mujh se puchho aansuon ki barkaten
mutmain hun ranj-o-gham aalam se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
