muntazir tha wo to just-o-ju mein ye aawara tha

muntazir thā vo to just-o-jū meñ ye āvāra thā

shefta terā hī thā jo sābit-o-sayyāra thā

hai jo hasrat to sarāpā chashm hone kī hameñ

hāsil is ā.īna-ḳhāna meñ faqat nazzāra thā

jab shab-e-mah meñ chakor uḌtā hai mar jaate haiñ ham

putliyoñ kā apnī bhī taara koī ruḳhsāra thā

khol kar dil jab maiñ rotā thā firāq-e-yār meñ

chashm-e-tar mamba.a thī har mū-e-mizha favvāra thā

sail-e-girya ne ye kis ke dī samundar ko shikast

jo habāb aayā nazar ik vāzhgūñ naqqārā thā

ek shab to vasl-e-jānāñ kī tavāzo ai falak

chaar din mehmān tere ghar meñ maiñ be-chāra thā

roz-o-shab ke haal kā likhtā thā parcha roz-o-shab

kātib-e-āmāl merī DevḌhī kā harkāra thā

pīTnā sar apne mātam meñ azīzo yaar kā

qil.a-e-kunj-e-lahad kī fat.h kā naqqārā thā

ahd-e-tiflī se junūn-e-ishq kāmil hai shafīq

shāḳh-e-naḳhl-e-bed-e-majnūñ se mirā gahvāra thā

jān-e-shīrīñ muzd jū-e-shīr meñ tesha ko dī

hausla se apne bāhar kohkan be-chārā thā

hālat-e-dil ko bayāñ kartā kisī se maiñ to kyā

ishq meñ ik mus.haf-e-ruḳhsār ke sīpāra thā

ye huā zāhir anā lailā-e-majnūñ se hameñ

apnā dīvāna thā apne vāste āvāra thā

haal apnā ai sanam apnī judā.ī meñ na pūchh

siina o sar thā hamārā aur sañg-e-ḳhārā thā

kūcha-e-qātil meñ jab shauq-e-shahādat le gayā

sar na thā gardan par apne bār-e-sad-pushtāra thā

loTtā thā is meñ bad-ḳhūī se maiñ mānind-e-ashk

shoḳhī-e-tiflān se jumbāñ mirā gahvāra thā

shān-e-ishq aulā hai majnūñ dūdmān-e-ishq se

nā-ḳhalaf nā-qābil o nālā.eq o nākārā thā

ahl-e-ālam se hamesha 'ātish' īzā.eñ huiiñ

mardum-e-duniyā namak the maiñ dil-e-sad-pāra thā

muntazir tha wo to just-o-ju mein ye aawara tha

shefta tera hi tha jo sabit-o-sayyara tha

hai jo hasrat to sarapa chashm hone ki hamein

hasil is aaina-KHana mein faqat nazzara tha

jab shab-e-mah mein chakor uDta hai mar jate hain hum

putliyon ka apni bhi tara koi ruKHsara tha

khol kar dil jab main rota tha firaq-e-yar mein

chashm-e-tar mamba thi har mu-e-mizha fawwara tha

sail-e-girya ne ye kis ke di samundar ko shikast

jo habab aaya nazar ek wazhgun naqqara tha

ek shab to wasl-e-jaanan ki tawazo ai falak

chaar din mehman tere ghar mein main be-chaara tha

roz-o-shab ke haal ka likhta tha parcha roz-o-shab

katib-e-amal meri DewDhi ka harkara tha

piTna sar apne matam mein azizo yar ka

qila-e-kunj-e-lahad ki fath ka naqqara tha

ahd-e-tifli se junun-e-ishq kaamil hai shafiq

shaKH-e-naKHl-e-bed-e-majnun se mera gahwara tha

jaan-e-shirin muzd ju-e-shir mein tesha ko di

hausla se apne bahar kohkan be-chaara tha

haalat-e-dil ko bayan karta kisi se main to kya

ishq mein ek mushaf-e-ruKHsar ke sipara tha

ye hua zahir ana laila-e-majnun se hamein

apna diwana tha apne waste aawara tha

haal apna ai sanam apni judai mein na puchh

sina o sar tha hamara aur sang-e-KHara tha

kucha-e-qatil mein jab shauq-e-shahadat le gaya

sar na tha gardan par apne bar-e-sad-pushtara tha

loTta tha is mein bad-KHui se main manind-e-ashk

shoKHi-e-tiflan se jumban mera gahwara tha

shan-e-ishq aula hai majnun dudman-e-ishq se

na-KHalaf na-qabil o nalaeq o nakara tha

ahl-e-alam se hamesha 'atish' izaen huin

mardum-e-duniya namak the main dil-e-sad-para tha