muqaddar apna bargashta muKhaalif aasman apna

muqaddar apnā bargashta muḳhālif āsmāñ apnā

vo kyā rūThā ki dushman ho gayā saarā jahāñ apnā

ilāhī ho gayā be-vaj.h dushman bāġhbāñ apnā

kahāñ le jaa.eñ gulshan se uThā kar āshiyāñ apnā

bigaḌ jaa.e na gulchīñ hai zamāne kī havā bigḌī

banāyā to hai bulbul shāḳh-e-gul par āshiyāñ apnā

fasāna ban ke apnā 'ishq duniyā kī zabāñ par hai

diyā thā ham ne dil tum ko samajh kar rāz-dāñ apnā

vafā kī qadr kyā hotī sitam ke ho ga.e ḳhūgar

banāyā un ko dushman ham ne de kar imtihāñ apnā

ḳhudā kī zaat par ham ko to ai 'shankar' bharosā hai

balā se dushman-e-jāñ ho jo hai saarā jahāñ apnā

muqaddar apna bargashta muKHalif aasman apna

wo kya ruTha ki dushman ho gaya sara jahan apna

ilahi ho gaya be-wajh dushman baghban apna

kahan le jaen gulshan se uTha kar aashiyan apna

bigaD jae na gulchin hai zamane ki hawa bigDi

banaya to hai bulbul shaKH-e-gul par aashiyan apna

fasana ban ke apna 'ishq duniya ki zaban par hai

diya tha hum ne dil tum ko samajh kar raaz-dan apna

wafa ki qadr kya hoti sitam ke ho gae KHugar

banaya un ko dushman hum ne de kar imtihan apna

KHuda ki zat par hum ko to ai 'shankar' bharosa hai

bala se dushman-e-jaan ho jo hai sara jahan apna