murgh zirak aql ka hai ishq ka sayyaad shoKH

murġh zīrak aql kā hai ishq kā sayyād shoḳh

aql hai bisyār shīrīñ ishq kā farhād shoḳh

aql apne daam meñ kartā hai kul aalam ko qaid

band aur zanjīr suuñ nit ishq hai āzād shoḳh

aql būjhā āshiqāñ sab vājibuttāzīr haiñ

qātil-e-aql-o-fahm hai ishq kā jallād shoḳh

aql ko sab mulk meñ hai daad insāf-o-adal

kyā nihāyat ishq kā hai bādshah be-dād shoḳh

fahm aur fikrat meñ apnī aql gar faulād hai

aab kartā hai galā kar ishq kā haddād shoḳh

aql ke mīzāñ meñ aayā bahr aur bar kā hisāb

nahiñ magar aayā adad meñ ishq kā ta.adād shoḳh

aql suuñ jaane guzar tab āshiqāñ paate haiñ vasl

ai 'alīmullāh' ajab hai ishq kā irshād shoḳh

murgh zirak aql ka hai ishq ka sayyaad shoKH

aql hai bisyar shirin ishq ka farhad shoKH

aql apne dam mein karta hai kul aalam ko qaid

band aur zanjir sun nit ishq hai aazad shoKH

aql bujha aashiqan sab wajibuttazir hain

qatil-e-aql-o-fahm hai ishq ka jallad shoKH

aql ko sab mulk mein hai dad insaf-o-adal

kya nihayat ishq ka hai baadshah be-dad shoKH

fahm aur fikrat mein apni aql gar faulad hai

aab karta hai gala kar ishq ka haddad shoKH

aql ke mizan mein aaya bahr aur bar ka hisab

nahin magar aaya adad mein ishq ka tadad shoKH

aql sun jaane guzar tab aashiqan pate hain wasl

ai 'alimullah' ajab hai ishq ka irshad shoKH