murid-e-dair-o-haram kam-se-kam ye kaam karen

murīd-e-dair-o-haram kam-se-kam ye kaam kareñ

hadīs-e-dard-e-mohabbat kā zauq aam kareñ

yahī minnat-e-ārām ye muqaddar hai

ġhamoñ kī dhuup meñ rāhat kā ehtimām kareñ

abhī na deñ hameñ ilzām bevafā.ī kā

ḳhud apne va.adoñ kā kahiye vo ehtirām kareñ

jo tishna-kām tire mai-kade meñ hoñ saaqī

mire lahūñ se vo labrez apne jaam kareñ

abhī na jeb na dāman na āstīñ kā pata

yaqīn-e-mausam-e-gul ho to intizām kareñ

unhīñ ke lab pe hai amn-o-amīñ kā afsāna

vahī jo hazrat-e-insāñ kā qatl-e-ām kareñ

gumāñ se ahd-e-yaqīñ tak sukūñ kī ho duniyā

ḳhushī ke saath jo ġham kā bhī ehtimām kareñ

mazāq-e-ahl-e-gulistāñ jo saath de jaa.e

qafas-nasīboñ kī yādoñ kā ehtirām kareñ

ye daur-e-hashr nahīñ hai to aur kyā hai 'amīñ'

kise pukāreñ yahāñ kis ko ham-kalām kareñ

murid-e-dair-o-haram kam-se-kam ye kaam karen

hadis-e-dard-e-mohabbat ka zauq aam karen

yahi minnat-e-aram ye muqaddar hai

ghamon ki dhup mein rahat ka ehtimam karen

abhi na den hamein ilzam bewafai ka

KHud apne wadon ka kahiye wo ehtiram karen

jo tishna-kaam tere mai-kade mein hon saqi

mere lahun se wo labrez apne jam karen

abhi na jeb na daman na aastin ka pata

yaqin-e-mausam-e-gul ho to intizam karen

unhin ke lab pe hai amn-o-amin ka afsana

wahi jo hazrat-e-insan ka qatl-e-am karen

guman se ahd-e-yaqin tak sukun ki ho duniya

KHushi ke sath jo gham ka bhi ehtimam karen

mazaq-e-ahl-e-gulistan jo sath de jae

qafas-nasibon ki yaadon ka ehtiram karen

ye daur-e-hashr nahin hai to aur kya hai 'amin'

kise pukaren yahan kis ko ham-kalam karen