مسلسل چلا رہ گزر میں رہا
مسلسل چلا رہ گزر میں رہا
مرا آب و دانہ سفر میں رہا
میں اپنی گھٹن اپنے دل میں لئے
ہمیشہ ہوا دار گھر میں رہا
نظر سے کئی لوگ گزرے مگر
وہی ایک چہرہ نظر میں رہا
مجھے بھی خوشی ڈھونڈنے آئی تھی
مگر ان دنوں میں سفر میں رہا
کسی پر توجہ کسی نے نہ دی
مرا عیب سب کی نظر میں رہا
مجھے خود بھی حیرت ہے اس بات پر
سکوں سے بہت شور و شر میں رہا
گزاری ہے نظمیؔ عجب زندگی
میں باہر رہا ہوں نہ گھر میں رہا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
