musalsal mujh pe ye teri inayat mar Dalegi

musalsal mujh pe ye terī ināyat maar Dālegī

kabhī furqat kabhī is darja qurbat maar Dālegī

ġharīb-e-shahr kā kyā is ko ġhurbat maar Dālegī

amīr-e-shahr ko daulat kī chāhat maar Dālegī

saḌak par paayā jā.egā kisī din merā bhī lāsha

mujhe sach bolte rahne kī aadat maar Dālegī

ye terī dast-gīrī ek din le Dūbegī mujh ko

mirī har baat par terī himāyat maar Dālegī

agar chāhat kī shiddat din-ba-din baḌhtī rahī yuuñ hī

'sabīh'-e-nīm-jāñ tujh ko mohabbat maar Dālegī

musalsal mujh pe ye teri inayat mar Dalegi

kabhi furqat kabhi is darja qurbat mar Dalegi

gharib-e-shahr ka kya is ko ghurbat mar Dalegi

amir-e-shahr ko daulat ki chahat mar Dalegi

saDak par paya jaega kisi din mera bhi lasha

mujhe sach bolte rahne ki aadat mar Dalegi

ye teri dast-giri ek din le Dubegi mujh ko

meri har baat par teri himayat mar Dalegi

agar chahat ki shiddat din-ba-din baDhti rahi yun hi

'sabih'-e-nim-jaan tujh ko mohabbat mar Dalegi