musalsal regzaron ka safar hai

musalsal regzāroñ kā safar hai

mohabbat asl meñ kār-e-digar hai

haqīqat kyā hai aur kyā hai fasāna

ye sab kuchh munhasir hālāt par hai

ragoñ meñ aag sī bhar de to sahrā

sukūñ se niiñd aa jaa.e to ghar hai

dayār-e-dīda-o-dil meñ abhī tak

ḳhushī nā-mo'tabar ġham mo'atabar hai

jo kal sahrā-navardī par thā maa.il

vo ab minnat-kash-e-dīvār-o-dar hai

azal se huuñ sazā-vār-e-masāfat

safar paiham safar paiham safar hai

sarāpā tifl-e-nādāñ 'rāz' ban jā

ḳhayāl-e-ḳhātir-e-ahbāb gar hai

musalsal regzaron ka safar hai

mohabbat asl mein kar-e-digar hai

haqiqat kya hai aur kya hai fasana

ye sab kuchh munhasir haalat par hai

ragon mein aag si bhar de to sahra

sukun se nind aa jae to ghar hai

dayar-e-dida-o-dil mein abhi tak

KHushi na-mo'tabar gham mo'atabar hai

jo kal sahra-nawardi par tha mail

wo ab minnat-kash-e-diwar-o-dar hai

azal se hun saza-war-e-masafat

safar paiham safar paiham safar hai

sarapa tifl-e-nadan 'raaz' ban ja

KHayal-e-KHatir-e-ahbab gar hai