musawwir apne tasawwur ka DhunDhta hai dawam

musavvir apne tasavvur kā DhūñDhtā hai davām

na jām-e-jam na visāl-e-sanam na shohrat-o-nām

hayāt jabr-e-musalsal hai tū hai jabr-shikan

har ek gaam pe āzādgī kā tujh ko salām

tasavvurāt ke phūloñ meñ rang bhartā hai

haqīqatoñ kī kaḌī dhuup detī hai in'ām

sahar bhī hogī nasīm-e-sahar bhī gā.egī

magar ye raat mohabbat charāġh zahr ke jaam

sharāb pī bhī to pī chashm-e-mast saaqī se

magar chaḌhā.e piyā pe ġham-e-hayāt ke jaam

maiñ apnī sham' jalātā rahā huuñ tauba par

maiñ apne sho'le se hotā rahā huuñ garm-e-kalām

usī se mere rag-o-pai meñ ātish-e-sayyāl

usī se mere tasavvur ke ḳham meñ māh-e-tamām

musawwir apne tasawwur ka DhunDhta hai dawam

na jam-e-jam na visal-e-sanam na shohrat-o-nam

hayat jabr-e-musalsal hai tu hai jabr-shikan

har ek gam pe aazadgi ka tujh ko salam

tasawwuraat ke phulon mein rang bharta hai

haqiqaton ki kaDi dhup deti hai in'am

sahar bhi hogi nasim-e-sahar bhi gaegi

magar ye raat mohabbat charagh zahr ke jam

sharab pi bhi to pi chashm-e-mast saqi se

magar chaDhae piya pe gham-e-hayat ke jam

main apni sham' jalata raha hun tauba par

main apne sho'le se hota raha hun garm-e-kalam

usi se mere rag-o-pai mein aatish-e-sayyal

usi se mere tasawwur ke KHam mein mah-e-tamam