mushkil mein raha wo bhi ki tadbir na tha main

mushkil meñ rahā vo bhī ki tadbīr na thā maiñ

maiñ ḳhvāb to thā us kā pe ta.abīr na thā maiñ

yuuñ bhī huā us ne mujhe sajdoñ se navāzā

bad-baḳhtī se jis shaḳhs kī taqdīr na thā maiñ

vo chhoḌ gayā raah meñ ye us kī razā thī

vaise bhī kisī paañv meñ zanjīr na thā maiñ

is zauq-e-suḳhan ne kiyā rusvā-e-zamāna

pahle to tire raaz kī tash.hīr na thā maiñ

kartā bhī to kaise mirī pahchān zamāna

dukh aisā thā ḳhud apnī bhī tasvīr na thā maiñ

mushkil mein raha wo bhi ki tadbir na tha main

main KHwab to tha us ka pe tabir na tha main

yun bhi hua us ne mujhe sajdon se nawaza

bad-baKHti se jis shaKHs ki taqdir na tha main

wo chhoD gaya rah mein ye us ki raza thi

waise bhi kisi panw mein zanjir na tha main

is zauq-e-suKHan ne kiya ruswa-e-zamana

pahle to tere raaz ki tashhir na tha main

karta bhi to kaise meri pahchan zamana

dukh aisa tha KHud apni bhi taswir na tha main