mushkil ye aa paDi hai ki gardish mein jam hai
mushkil ye aa paḌī hai ki gardish meñ jaam hai
ai hosh varna mujh ko tirā ehtirām hai
fursat kā vaqt DhūñDh ke milnā kabhī ajal
tujh ko bhī kaam hai abhī mujh ko bhī kaam hai
aatī bahut qarīb se ḳhushbū hai yaar kī
jaarī idhar udhar hī kahīñ daur-e-jām hai
kuchh zahr ko taraste haiñ kuchh mai meñ ġharq haiñ
saaqī ye terī bazm kā kyā intizām hai
mai aur harām? hazrat-e-zāhid ḳhudā kā ḳhauf
vo to kahā gayā thā ki mastī harām hai
ai zulf-e-ambarīñ zarā lahrā ke phailnā
ik raat is chaman meñ mirā bhī qayām hai
ai zindagī tū aap hī chupke se dekh le
jām-e-adam pe likkhā huā kis kā naam hai
mushkil ye aa paDi hai ki gardish mein jam hai
ai hosh warna mujh ko tera ehtiram hai
fursat ka waqt DhunDh ke milna kabhi ajal
tujh ko bhi kaam hai abhi mujh ko bhi kaam hai
aati bahut qarib se KHushbu hai yar ki
jari idhar udhar hi kahin daur-e-jam hai
kuchh zahr ko taraste hain kuchh mai mein gharq hain
saqi ye teri bazm ka kya intizam hai
mai aur haram? hazrat-e-zahid KHuda ka KHauf
wo to kaha gaya tha ki masti haram hai
ai zulf-e-ambarin zara lahra ke phailna
ek raat is chaman mein mera bhi qayam hai
ai zindagi tu aap hi chupke se dekh le
jam-e-adam pe likkha hua kis ka nam hai
Source:
Adam ki behtareen ghazlein (Pg. 78)
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
